qorxat

ot etn. Birinchi qor yoqqan kuni ziyofat berishni taklif qilib, tanish kishilarga olib borib beriladigan maktub (qorxat olgan kishi xat olib kelgan kishini ushlab olsa, ziyofat qorxat yozgan kishi tomonidan beriladi).

Tansiq qorni gʻanimat bilib, kattalar oʻz doʻstlariga qorxat yozib, oʻziga xos nashʼa-zavq bagʻishlovchi qishki ziyofatlarga yura boshlaganlar. — Oybek, Navoiy

Birinchi qorning oʻziga yarasha gashti boʻladi. Dalamizdagi qoʻshnilar bilan qorxat yozishganlarimiz yodimga tushdi. — M. Qoriyev, Oydin kechalar