Қор кўчкиси

қор ва (ёки) музнинг тоғнинг тик ёнбағри бўйлаб пастга томон тез, тўсатдан юзага келувчи, одамларнинг ҳаёти ва соғлиғига хавф туғдирувчи, иқтисодиёт обектлари ва атроф табиий муҳитга зарар етказувчи ҳаракати. Қ.к. нишаблиги 15 дан 50⁰ гача бўлган дарахциз ёнбағирларда етарлича миқдорда қор тўпланганда шаклланади. Нишабликнинг 30-40⁰ бўлиши энг қулай шароит ҳисобланади. Ҳаракат тезлиги ўртача 20-30 м/сония. Энг катта тезлик 100 м/сониягача етиши мумкин. Қ.к. нинг тушиши энг катта вайроналиклар келтириб чиқарувчи кўчки олди ҳаво тўлқинининг ҳосил бўлиши билан бирга кечади.