qoʻlqop

ot 1. Qoʻlni sovuqdan, kir boʻlishdan, zararlanishdan saqlash uchun qoʻlga kiyiladigan buyum.

Charm qoʻlqop. Qoʻlqop toʻqimoq.

Onaxon eri Sobirjonning qoramoyga botib, yarqirab ketgan qoʻlqopi bilan shimini goʻyo rohat qilib yuvar edi. — A. Muxtor, Opa-singillar

2. sprt. Boks tushganda, qoʻlga kiyib olinadigan maxsus buyum.

Trener menga qoʻlqop berayotib: — Yuragingni saqla! — dedi. — I. Rahim, Chin muhabbat.