qoʻlma-qoʻl

rvsh. 1. Bir odam qoʻlidan boshqasi qoʻliga.

Yuzlab kishilar qoʻlma-qoʻl chelak uzatib, maydon oʻrtasidagi hovuzdan olingan suv bilan kitob xonasiga tushgan oʻtni oʻchirishga urinar edilar. — M. Osim, Ajdodlarimiz qissasi

2. Bir kishidan boshqa kishiga, bir kishining ixtiyoridan boshqa kishi ixtiyoriga.

Kitob qoʻlma-qoʻl boʻlib ketdi.

Ishtirok iyunning shu bir nusxasi katta-kichik togʻ qishloqlari boʻylab qoʻlma-qoʻl yurdi. — Sh. Toshmatov, Erk qushi

Qoʻlma-qoʻl yuruvchi bu oʻyinchoq qizingiz kim-u, sizdek bir mehribon onani qon yigʻlatgan kim? — A. Qodiriy, Oʻtgan kunlar