қодир

сфт. 1. Бирор ишга кучи, қудрати етадиган; қудратли.

Озод халқ, бахтиёр халқ, Ҳар бир ишга қодир халқ. — Э. Раҳим

Уруш ҳар қанча даҳшатли бўлса ҳам, ҳаётни тўхтатиб қолишга қодир эмас. — Ҳ. Ғулом, Тошкентликлар

2. Имконияти бор (моддий ва бошқалар жиҳатдан).

Кўп оталар шу жузъий ёрдамга ҳар ҳафта уч тийин, беш тийин беришга қодир эмаслар. — Ойбек, Танланган асарлар

Қурол ушлашга қодир ярадорлар ҳам ўқ отар! — И. Рахим, Мангулик қўшиғи

Ҳозирча ўн жуфт маҳси беришга қодир эканини сўзлади. — Ойбек, Танланган асарлар

3. Қодир (эркаклар исми).