qoʻchqor
қўчқорqoʻchqor
ot 1. Sovliqlarni urugʻlantirishda foydalaniladigan, bichilmagan erkak qoʻy.
Zotli qoʻchqor.
oʻtgan yili esa mayin junli zotli qoʻchqorlar keltirilib, oʻzimizning jaydari qoʻylarga chatishtirish boshlangan edi. — S. Anorboyev, Oqsoy
2. koʻchma s.t. Kishiga nisbat beriladi; zoʻr, botir, pahlavon.
Chambilning qoʻchqori oʻzim boʻlaman, Chambil eltib, seni loyga solaman. — Malikayi ayyor
Bu yurishingdan senga oʻlmoqlik darkor, Bu soʻzlarni aytib shundayin qoʻchqor. — Murodxon
3. Qoʻchqor (erkaklar ismi).
- Ikki qoʻchqorning boshi bir qozonda qaynamas Ikkita bir xil manman, zoʻr va shu kabilar odam bir joyda murosa qilib yasholmaydi, chiqisholmaydi, maʼnosidagi matal.