qiz

ot 1. Balogʻat yoshiga yetmagan ayol.

Qiz bola. Yosh qiz. Oʻquvchi qiz.

2. Xotin jinsiga mansub farzand (oʻz ota-onasiga nisbatan).

Uning uch oʻgʻil, ikki qizi bor. Qiz chiqarmoq. Qiz uzatmoq. Qizi borning nozi bor. — Maqol

Farzand oʻgʻilmi, qizmi — bari bir, ota-onasining yuragi boʻlar ekan. — Oybek, Tanlangan asarlar

3. Balogʻatga yetgan, ammo hali erga tegmagan ayol; maʼsuma, bokira.

— Qizmi, juvonmi, Gulnormi — bari bir, man dadamning yosh xotin olishini xohlamayman, — dedi Salim. — Oybek, Tanlangan asarlar

4. Qizlarga yoki yosh juvonlarga nisbatan murojaatda ishlatilib, hurmat, erkalash, oʻzini yaqin olish singari maʼnolarni ifodalaydi.

Otga juda epchil ekansan-ku, qizim! Barakalla-ye. — A. Qahhor, Xotinlar

Yozib bering, aylanay poshsha qiz. — A. Qodiriy, Oʻtgan kunlar