қийқириқ

от 1. Кучли тарздаги, бетартиб қичқириқ, шовқин, қий-чув.

Фақат ичкаридан мастларнинг қийқириқлари, алла-кимнинг бўғиқ алёри эшитилади — Ҳ. Ғулом, Машъал

Арава пойганинг гумбури, аравакашларнинг қийқириғи билан тўй карвони бораркан — Ойбек, Танланган асарлар

2. Қўллаб-қувватловчи, олқишловчи ялпи овоз; ҳайқириқ, қичқириқ.

Шодлик қийқириқлари. Тўйчиларнинг қийқириқлари.

Залда олқишлар бўрони кўтарилиб, “Яшасин Юсуфжон қизиқ!“, Яшасин ўзбек санъати! деган қийқириқлар эшитилди. — Т. Обидов, Юсуфжон қизиқ

Пуч қийқириққа учмаслик, шов-шувга сабаб бўладиган ғаройиботлар кетидан қувмаслик керак. — Газетадан

3. Баъзи парранда, қушларнинг қий деганга ўхшаш кучли товуши.

Қайси бир унгурдан йиртқич қушнинг қийқириғи эшитилиб, акс садо беради. — Ж. Абдуллахонов, Орият

Турналарнинг ўйчан қийқириғида мудраган ойдин кечалар бошланди. — Ў. Ҳошимов, Қалбингга қулоқ сол

Кўпчиликнинг қаттиқ бетартиб овози; ҳайқириқ.BAĞIRTI, BAĞIRIS, HAYKIRIŞ

н noise, shout

qıshqırıq, qıyqıw

Schrei m, Schreien n, Geschrei n, Gezeter n