қистирма

от 1. Нарсаларнинг ўртасига, орасига қистириб, тиқиб, суқиб қўйилган нарса.

Содиқжон бойвачча ҳамёнига қистирма пуллар дарёдай оқиб кела бошлагандай ҳис қилиб ўтирарди. — К. Яшин, Ҳамза

Бу каби қистирма ҳикоялар бадиий фош этиш имкониятларини кенгайтиради, чуқурлаштиради. — ЎТА

2. тех. Машина, механизм, иншоот қисмларининг бирикиш юзасини зичлаш учун орасига қўйиладиган юпқа эластик детал.

Резина қистирма. Мис қистирма.