қишлик

от 1. Қишга мосланган, қиш учун белгиланган, қишда ишлатиладиган ёки ишлайдиган; қишки.

Қишлик кийим. Қишлик спорт саройи.

Хўжаликка керакли бинолар, ҳаммом, қишлик боғча, қишлик чойхона муддатидан анча бурун битди. — А. Қаҳҳор, Қўшчинор чироқлари

Кўча-кўйда яккам-дуккам учраб қоладиган одамлар ҳам қишлик либосда. — С. Кароматов, Олтин қум

2. Қиш давомида ейиш-ичиш, ишлатиш учун етарли нарса.

Қишлигини ёзда ғамлаб қўймоқ.

Мулла Обидўн уч кун деганда, беш таноб ерни чопиб, ерни қип-қизил шудгорга айлантиради, бир четга хирмон каби ғумай ва ажриқларни йиғиб, бир қишлик ўтинни ҳам олади. — А. Қодирий, Обид кетмон

[Ёрмат:] Яхшилаб чопасан. Ярмига сабзи, ярмига картошка экасан. Шу билан қишлигимиз бемалол чиқади. — Ойбек, Танланган асарлар