qirov

қиров

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

qirov I

ot Ayozli, havo ochiq, sokin (shamolsiz) tunlarda tuproq, oʻt va yerdagi narsalar ustida hosil boʻladigan muz kristallari.

Bugun kechasi qirov tushibdi.

Toʻla oyning yorugʻida oʻsimliklar bargida paydo boʻlgan qirov yangi yoqqan qor kabi yarqirab koʻrinardi. — S. Ayniy, Esdaliklar

Oʻsha kuni sovuq qattiq edi Soqollarda, moʻylovlarda, kipriklarda qirov. — Oybek, Tanlangan asarlar

kuz keldi. Quyosh tafti pasayib, ertalabki shudring oʻrnini qirov egallay boshladi. — Yoshlik

Oq qirov Kuzgi qirov tushadigan payt; qalin qirovli kunlar. Polizlardagi oq qirovga asralgan qirqma qovunlar ham uzildi. — S. Ahmad, Qadrdon dalalar
Sochiga (yoki soqoliga) qirov tushibdi (yoki kiribdi) Sochi, soqoli oqara boshlabdi; sochiga, soqoliga oq tushibdi. Oʻspirinning yonida chekka sochiga qirov tushgan oʻttiz besh yoshlardagi qoracha yigit bloknotiga nimanidir yozayotgan edi. — H. Nazir, Odamning qadri

qirov II

ot Yangi charxlangan pichoq, xanjar va shu kabilar asboblarning damida yoki yangi yasalgan metall buyumning betida qolgan zarralar.

Pichoqning qirovini toʻkmoq.

Doʻkondan chiqarilgan bu juft-juft qora uzangilar katta egovlar bilan egovlanib, qirovi toʻkildi. — M. Muhammadjonov, Turmush urinishlari

qirov III

ot vet. Mollarning tilida qipiqsimon boʻrtiqlar paydo qiladigan kasallik.

Tili qirov bogʻlabdi, qanday ovqat yesin jonivor — A. Mirahmedov, Kulgan chechaklar