қиринди

qirindi

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

қиринди

от 1. Ёʻниш, рандалаш натижасида ҳосил бўладиган юпқа лента ёки қипиқ шаклидаги чиқит.

Ёғоч қириндиси.

Коля гапга аралашмай, жингала-жингала қириндилар сачратиб, тахтача устидан ранда юритарди. — Ҳ. Назир, Сўнмас чақмоқлар

Михайлов рандалаётган темирдан чиққан қиринди пайраҳага ўхшаб буралиб ерга тушар эди. — Н. Сафаров, Саодатнинг қиссаси

2. Тери, ичак ва шу кабиларни қириб тозалаш натижасида ҳосил бўладиган чиқит.

Ичидан қиринди ўтмоқ 1. Қаттиқ ташвишланмоқ, талвасага тушмоқ. Ичларидан қиринди ўтиб кетган бойларнинг мақтанишлари деҳқонларга қаттиқ дард қилди. — МуштумПочтачининг [мўйсафидларга] шалдироқ червонларни санаб бериб кетаётганини кўрган Бўрихўжанинг ичидан қиринди ўтмай қолмади. — Мирмуҳсин, Чиниқиш.