qimmatli

sft. 1. Qimmat turadigan, qimmatbaho.

Qimmatli buyum.

Goʻng ostidan sandiq-sandiq qimmatli mollar, toy-toy gazlamalar va boshqa qimmatli narsalar chiqa boshlagan. — S. Ayniy, Qullar

2. koʻchma Bahosi yoʻq, bebaho, qadrli, aziz.

Oiladagi osoyishtalik — har qanday boylikdan qimmatlidir. — Gazetadan

Gulnorning bir tabassumi uning uchun hamma narsadan maʼnodor, turmushning hamma zavqlaridan ulugʻ va qimmatli edi. — Oybek, Tanlangan asarlar

3. koʻchma Koʻp foydali, juda kerakli.

Qimmatli maslahat. Qimmatli fikr. Qimmatli maʼlumotlar.