қайрилма

сфт. 1. Ёйсимон эгилган, ёйсимон эгилиб, қайрилиб турадиган.

Усмонжонни кўрган Адолат секин кўзини пастга олди. Узун қайрилма киприклар соя ташлади. — С. Зуннунова, Гулхан

Чакка сочларини қўнғир қилиб, пешонаси устига ярим ойдек қайрилма гажак тушириб юради. — Ж. Абдуллахонов, Тўфон

2. Қайриладиган, қайтариладиган, йиғма.

Қайрилма сопли пичоқ.

3. Қайтариб қўйиладиган, қайтарма.

Мирза Баҳром қайрилма ёқа жужунча камзулининг қўйин чўнтагидан кичкина дафтарча чиқариб, Тавҳидийга берди. — А. Қаҳҳор, Миллатчилар