qayoqda

olm. 1. ayn. Qayerda 1.

U qayoqda? Oʻrda qayoqda?

2. Inkorni, aks holat mavjudligini bildiradi.

— Endi tamom boʻshatdilarmi seni? — Boʻshatish qayoqda! Qochdik. — Oybek, Tanlangan asarlar

Kambagʻalga maktab, oʻqish qayoqda edi. — P. Tursun, Oʻqituvchi

3. Qiyoslash, taqqoslash maʼnosini bildiradi.

Boʻta qayoqda-yu, Nizomiddin qayoqda. — S. Ahmad, Hukm

Traktorist tanqid qilganiga sanʼatkor asti chiday olmas edi; traktor qayoqda-yu, masalan, chorzarb qayoqda, traktorist qayoqda-yu, ashulachi qayoqda! — A. Qahhor, Sanʼatkor