qavs

ot Oʻzbek tilida keng qoʻllanadigan, ikki elementli (qoʻshaloq), asosan, gap oʻrtasida va oxirida ishlatiladigan chegaralovchi tinish belgisi.

Kichik qavs. Oʻrta qavs. Katta qavs. Qavsga olmoq. Qavsdan chiqarmoq. Qavs ichida berilgan izoh. Qavs ichidagi matematik ifoda.

ot 1. katta (A -) astr. Oʻn ikki burjning biri, Aqrab va Jad(i)y burjlari oʻrtasida joylashgan.

2. Shamsiya yil hisobida toʻqqizinchi oyning arabcha nomi (22 noyabr — 21 dekabr orasidagi davrga toʻgʻri keladi).

Qavs suvi — dardga davo, Quyosh, havo — tanga davo. — Maqol

Bizda mezon, aqrab va qavs oylari quruq boʻlishi kerak, boʻlmasa, kuzgi hosilni, ayniqsa, gʻoʻza-paxtani yigʻishtirib ololmaymiz. — S. Ayniy, Qullar