қават-қават

1. Бир неча қаватдан, қатламдан ташкил топган, бир неча қаватга эга бўлган; қат-қат.

Қават-қават тоғ жинси.

Дурагайларда думба ёғи баданига уриб кетади. Қават-қават мармарни кўрганмисан? Гўшти ўшандай бир қават ёғ, бир қават гўшт бўлади. — С. Анорбоев, Оқсой

2. Қаватлаб тахланган, терилган ёки букланган.

Қават-қават кўрпа.

— Неча марта кўргансан, келган куни кўрсатдим-ку, — деди Эрали қават-қават қилиб букланган хатни сержантга узатаркан. — И. Рахим, Чин муҳаббат

3. Қатор-қатор тизилган, тортилган, ёнма-ён турган, қўйилган (узун ва ингичка нарса ёки чизиқлар ҳақида).

Қават-қават қилиб пишитилган ип.

У ёʻлда бораркан, қават-қават тиканли симлар билан ўралган сехларнинг қўриқчилари ундан пропуска сўрай бошладилар. — И. Раҳим, Чин муҳаббат

qabat-qabat