qattiqlik

ot 1. Qattiq ekanlik.

Toshning qattiqligi. Ishning qattiqligi. Irodaning qattiqligi. Intizomning qattiqligi. Ogʻriqning qattiqligi.

Ertaga qiyomat desa, ishonish mumkin edi-yu, lekin oʻlguday qattiqligi, xasisligi bilan dong chiqargan Bolta koʻpasning oʻgʻlidan bunday saxiylik kelishiga ishonish mumkin emasdi. — M. Ismoiliy, Fargʻona tong otguncha

2. Iroda, matonat, qatʼiyat.

Qiyinchiliklarni yengish uchun qattiqlik va chidam zarur.

3. Qiyinchilik ogʻirlik; qattiqchilik.

— Men oʻzimni kambagʻal deyolmayman, — dedi boy, — lekin zamonaning qattiqligi meni ham kambagʻallarga yaqinlashtirgan. — S. Ayniy, Qullar

4. Qattiqqoʻllik, talabchanlik.

Qattiqlik bilan qoʻl ostida saqlamoq.

5. Metallurgiyada: biror jism (masalan, metallning) qattiq jismning botishiga koʻrsatadigan qarshiligi; jismning mexanik xossalaridan biri.