Қатлам табиий сақлагичи

катта майдонларда шипи ва тагидан ёмон ўтказувчан жинслар билан чекланган коллектор. Бундай сақлагичда коллектор қалинлиги майдон бўйлаб деярли ўзгармайди. Якка жойлашган коллекторлар чегарасида унинг қатламли характери сақланса-да, қалинлиги сезиларли ўзгаришларга дучор бўлади. Қатлам сақлагичларидаги коллекторнинг литологик таркиби ўзгармас бўлса ҳам мураккаб тузилишга эга бўлиши мумкин. Қатлам табиий сақлагичи ягона гидродинамик системани ҳосил қилади, ундаги босим таъминланиш областидан бўшалиш областига қараб ўзгариб боради.