Qatlam tabiiy saqlagichi

katta maydonlarda shipi va tagidan yomon oʻtkazuvchan jinslar bilan cheklangan kollektor. Bunday saqlagichda kollektor qalinligi maydon boʻylab deyarli oʻzgarmaydi. Yakka joylashgan kollektorlar chegarasida uning qatlamli xarakteri saqlansa-da, qalinligi sezilarli oʻzgarishlarga duchor boʻladi. Qatlam saqlagichlaridagi kollektorning litologik tarkibi oʻzgarmas boʻlsa ham murakkab tuzilishga ega boʻlishi mumkin. Qatlam tabiiy saqlagichi yagona gidrodinamik sistemani hosil qiladi, undagi bosim taʼminlanish oblastidan boʻshalish oblastiga qarab oʻzgarib boradi.