қасқон

от 1. Ғалвир, элак, чирманда ва шу кабилар буюмларнинг гардиши, чамбарак.

Чирманданинг қасқони, Банди борми осгани. Ўйнасанг ўйнаб олгин, Ёринг борми тўсгани? — М. Алавия.

2. Манти, хоним кабилар териладиган махсус патнислари бўлган, шундай таомлар пишириладиган ошхона асбоб-буюми.

Юзта манти элтадиган қасқон.

Нигор ойим ошхонада мантиларни қасқонга териб, қозонга уяр, Раъно бўлса, кичкина укалари орасида ўтирар эди. — А. Қодирий, Меҳробдан чаён

Қасқонга димланиб, устига сариёғ суртилган ошқовоқ жуда хуш-таъм бўлади. — К. Маҳмудов, Ўзбек тансиқ таомлари

mantı qazan