қашқарча

сфт. 1. Қашқарга ва қашқарликларга оид; уйғурча.

Қашқарча ўйин. Қашқарча овқатлар.

2. от Олди ромлар билан ўралган айвон.

У тиқ этган овоз келса, кўзларини беихтиёр кўча эшикка тикиб, қашқарчада ўтирибди. — А. Ёқубов ва Ш. Шодиев, Топилган қиз.

3. от эск. Уйғур тили.

Қашқарча(ни) биласизми! Қашқарча сўзлашмоқ.

4. от Келиб чиқиши уйғур мусиқаси билан боғлиқ куй ёки ашула номи.

Одамларнинг кўзлари гулхан ёруғида ўртада қашқарчага муқом қилувчи, беқасам тўн устидан белбоғ боғлаган қора қош йигитда. — П. Турсун, Ўқитувчи