қарта

qarta

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

қарта И

от Отнинг ёғли ёʻғон ичаги ва ундан махсус тайёрланган, кўпинча яхна қилиб ейиладиган таом.

Шойи кийдим, кимхоб кийдим, устимда ёʻқ, Қази билан қарта едим, қорнимда ёʻқ. — Мақол

Қази, қарта, сиркаланган ва тузланган сабзавотлар эса қиш ойларида тановул қилинади. — К. Маҳмудов, Ўзбек тансиқ таомлари

қарта ИИ

от 1. Сурати ёки холлари билан бир-биридан фарқ қиладиган бир тўп махсус ўйин варақчалари ва унинг ҳар бир варақчаси.

36 варақли қарта. Қарта ўйини. Қартани бўлмоқ.

Қарта чилиб ўтирган одамни кўрсатиб: — Машҳур Ёʻлдош карвон шу одам бўладилар, — деди. — Шукрулло, Жавоҳирлар сандиғи

Экскаваторчилар стол атрофини ўраб, папирос тутуни ичида қарта ўйнашаётган экан. — А. Мухтор, Туғилиш

2. с.т. қ.х. Яхлит бир бўлак ер ёки экин майдони.

Мажлиснинг охири шу хилдаги ғўзалар кўпроқ бўлган Қамбарали ака бригадасининг учинчи қартасига кўчирилди. — А. Қаҳҳор, Қўшчинор чироқлари

Ҳали сиз кузни гапирасиз, ҳозиргисини айтинг, уватини ўт босмаган қартамиз жуда оз. — Н. Сафаров, Жасоратнинг давоми