qarshilik

ot 1. Qarshi ekanlik.

Sening bu ishga qarshiligingni bilaman.

Ul har narsa desa, faqat Margʻilondan uylanganingga qarshiligidan aytadir. — A. Qodiriy, Oʻtgan kunlar

2. Qarshi fikr, norozilik, eʼtiroz.

Qarshilik bildirmoq.

Qarshilik yoʻq bu ishga, Ulfat ahli yor. — Gʻayratiy

Gavharning qarshiligiga qaramay, ikki marta suratga oldi-yu, rahmat aytib, burilib ketdi. — Oʻ. Hoshimov, Qalbingga quloq sol

3. Qarshi harakat, aks taʼsir.

Dushman qarshiligini yengmoq. Qarshilikka duch kelmoq.

Faqat yaxshi oʻrab tuzilgan manyovr bilangina dushman qarshiligchni sindira oldik. — N. Safarov, Olovli izlar

Har qanday yangilik eskilikning qarshiligiga uchraydi, bu — qonuniy. — S. Anorboyev, Oqsoy