qaroqchilik

ot 1. Qaroqchi ishi; bosqinchilik.

Tirikchilikning oson yoʻli qaroqchilik deb bilgan Durdi dehqonchiligini yigʻishtirib qoʻydi. — J. Sharipov, Xorazm

— Bu oʻgʻrilikkina emas, qaroqchilik, kunduzlay xalqning koʻzi oldida yoʻlbosarlik, — dedi Haydar. — S. Ayniy, Qullar

2. huq. Ochiq dengizda savdo yoki fuqaro kemalarini xususiy yoki davlat kemalari tomonidan gʻayriqonuniy ravishda egallash, talon-toroj qilish yoki choʻktirish.