qandil

ot Bir necha sham yoki lampochka qoʻyiladigan oyoqli yoki osma chiroq; chilchiroq, lyustra.

Devoriy qandil. Osma qandil.

Oltin qandildagi elliklab shamlarning nuri uyga bir xayoliylik berar edilar. — A. Qodiriy, Oʻtgan kunlar

Oʻrnidan turib, devordagi vklyuchatelni chiqillatgan edi, uch lampali qandil yogʻdusi notinch va hayajonli yuzlarga tushdi. — P. Qodirov, Uch ildiz

Katta dolon, har bir uyda qiy-chuv, yerda chiroq, qandillar osigʻliq. — J. Sharipov, Xorazm

ot Olma navlaridan birining nomi.

Qandil, simirenko olmalar serhosilligidan koʻzingiz quvonib, dilingiz ravshan boʻladi. — N. Safarov, Olovli izlar