қамиш

qamish

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

қамиш

от 1. Бошоқдошларга мансуб, сувда, ботқоқликда, тўқайзорда ўсадиган, бўғим-бўғим узун пояли ўсимлик; шу ўсимликнинг ўрилган пояси ва унинг чўпи.

Қамиш ўрмоқ. Қамишдан бўйра тўқимоқ.

Улар қамишларни шалдиратиб, сувга яқин келганларида, ўзлари ҳам балчиққа ботиб кета бошлашди. — П. Қодиров, Юлдузли тунлар

Уч томони қамиш билан ўралган ҳовлига аввал Сидиқжон кирган эди. — А. Қаҳҳор, Қўшчинор чироқлари

2. Шу ўсимлик пояси билан ўралган, ёпилган; шундан ясалган.

Қамиш девор. Қамиш том. Қамиш пай.

Кейин бир парча қоғоз олиб, қамиш қаламни қитирлатиб ёза бошлади. — М. Исмоилий, Фарғона тонг отгунча

Қамишдан бел боғлаб Сидқидил билан, астойдил. Тўйларингизга қамишдан бел боғлаб хизмат қилайин, укажон. — Н. Қобил, Унутилган соҳиллар