қадрли

сфт. 1. Қадр-эътиборга лойиқ; ҳурматли.

Қадрли ўртоқ. Қадрли ўқитувчи.

Ҳамма уни гўё узоқ вақтдан бери кутилган қадрли бир меҳмондай қувончли юз билан қаршилади. — Р. Файзий, Уч қиз

Нарзи, узоқдаги ота-онаси каби, бу ердагилар учун ҳам азиз ва қадрли жигарбанддир. — Н. Сафаров, Оловли излар

2. Қадри, қиммати юқори, қадр-қимматини ёʻқотмаган.

меҳнатинг қадрли, ҳаётинг файзли — Газетадан

3. кам қўлл. айн. Қадрдон 2.

— Фарҳод бизга қадрли жой, — деди кулиб Мирҳайдар. — Ойбек, О.в. шабадалар

Сўйла, ўртоғим, менга, Сўйла менга, қадрлим. — Ҳ. Олимжон