пулт

от 1. Ноталар қўйиш учун ишлатиладиган, бир томонга нишаб, узун оёқли столча.

Дирижёр пулти.

Кийинишидан олақарғани эслатувчи, сочи жингалак, чиройли бир йигит дирижёрлик пултига чиқиб, қўлидаги таёқчасини қимирлатувдиямки, залда оркестр садолари янгради. — Н. Аминов, Қаҳқаҳа

2. тех. Бирор нарсани автоматик бошқарадиган асбоб, аппаратлар ўрнатилган жой (стол, стенд ва шу кабилар).

Бошқариш пулти. Диспетчерлик пулти.

У бошқариш пулти ёнидаги креслога ўтириб, бир оз мизғимоқчи бўлди. Афсуски, бу ҳам насиб этмади. — Ёшлик

Бу жойда каттагина бошқариш пулти ўрнатилган экан. — О. Мўминов, Хиёбондаги уч учрашув

3. Радио телеаппаратураларни бошқарувчи асбоб.

Телевизор пултини босмоқ.