pul
пулpul I
ot 1. Oldi-sotdi yoki toʻlov muomalalarida narx, baho, qiymat oʻlchovi boʻlgan metall yoki qogʻoz belgi; aqcha.
Qogʻoz pul. Tanga pul. Naqd pul. Pul maydalamoq. Pul boʻlsa, changalda shoʻrva. — Maqol
Puli kuygan qalampir chaynar. — Maqol
Sidiqjon kechki payt koʻchaga chiqmoqchi boʻlgan edi, Anzirat xola, uning puli yoʻqligini bilganday, soch oldirgani pul berdi. — A. Qahhor, Qoʻshchinor chiroqlari
Yoʻlkiraga pulimiz, piyoda qaytishga ilojimiz boʻlmaganidan qolib ketdik. — M. Ismoiliy, Fargʻona tong otguncha
[Sanavbar Xayrinisoga:] Sizga ham gapiraman, pul uchun imoni va qizini sotadigan otamga ham gapiraveraman. Hamza, — Tuhmatchilar jazosi
2. Sarmoya, mablagʻ.
Qurilishga pul ajratmoq.
Pul-chi? Pul ham tugʻadi. Juda koʻp tugʻadi, tez tugʻadi, ayniqsa, bu zamonda pul sertuxum boʻlib ketgan. — Oybek, Tanlangan asarlar
Nuqul pul va foyda ketidan quvsak-da, ammo odamlarimiz ruhan qashshoq boʻlib qolishsa, bunday jamiyatning hech kimga keragi yoʻq. — Gazetadan
3. s. t. Ish haqi; maosh.
Qorovul puli. Bugun pul oladigan kunimiz.
4. esk. Baʼzi yerlarda yarim tiyinga, baʼzi yerlarda bir tiyinga teng boʻlgan pul oʻlchov birligi va shu qiymatdagi mayda pulning oʻzi.
Narx bilib kelgan bolaga yigirma pul berib, orqasi kuymaganini olish sharti bilan nonga yubordi. — A. Qodiriy, Mehrobdan chayon
Yiqitgan bolalarga ikki puldan sovrin berib tomosha qilib yotgan ikki boyning biri shu — Niyozmat hoji boʻlib, hajdan yangi kelgan yillari edi. — A. Qahhor, Sarob
5. Afgʻonistonning asosiy pul birligi — afgʻoniyning yuzdan bir ulushiga teng mayda pul, tanga.
- Pul boʻlmoq Pulga almashinmoq, sotilmoq. Narsa sotsang, pul boʻladi, Erta-indin kul boʻladi. — Maqol
- Pul qilmoq 1. Pul hisobiga bermoq, sotmoq, pullamoq. Uyni bezashdan boshqa narsaga yaramaydigan asboblarni yigʻishtirdim, barini sotib pul qildim. — Oybek, Tanlangan asarlar
- Pul(ning) qadrsizlanishi Pulning qadrsizlanishi surʼatlari muntazam ravishda va izchillik bilan pasayib bormoqda. — Gazetadan
- Bir (yoki ikki, uch) pul 1. Bir yoki ikki, uch tiyin. Bir pul berib yigʻlatdim, ming pul berib tindirdim. — MaqolBu gaplar unga bir pul. Hamma unga bir pul.Joʻraboyev Yusufiyning dalillarini bir pul qiladigan maqola yozibdi. — Sh. Rashidov, Boʻrondan kuchliTurdi gʻilay olti yillik toat-ibodatini bir pul qildi. — A. Koʻchimov, Halqa
- Pulga chaqmoq
- Pulni pul bilan oʻynamoq
- Pulining sassigʻiga yotolmaydi
pul II
ot esk. kt. ayn. Koʻprik.