{"headword": "ПРОТИВОВЫБРОСОВОЕ ОБОРУДОВАНИЕ", "key": "protivovibrosovoe oborudovanie", "entries": [{"dictionary": {"name": "Neft va gaz sanoati izohli lugʻati", "title": "НЕФТЬ ВА ГАЗ САНОАТИ русча-ўзбекча изоҳли луғат", "kind": "Terminologik", "imprint": "Абидов, Асрор Аббосович; Эргашев, Йўлдошбой; Қодиров, Малик Хафизович (2004). НЕФТЬ ВА ГАЗ САНОАТИ русча-ўзбекча изоҳли луғат. Tashkent: Шарқ» нашриёт-матбаа акциядорлик компанияси Бош таҳририяти.", "url": "https://til.uz/lugatlar/neft-va-gaz-sanoati-ruscha-ozbekcha-izohli-lugat/", "page": "398"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "", "examples": []}], "translations": [], "cross_references": [{"kind": "qarang", "target": "Манифольд противовыбросового оборудования"}], "extra": {"raw_word": "ПРОТИВОВЫБРОСОВОЕ ОБОРУДОВАНИЕ — Отқиндига қарши асбоб-ускуналар", "raw_meaning": "қудуқ оғзини зич ёпишга мўлжалланган асбоб-ускуналар мажмуи. Бурғилаш ускуналари таркибига киради. Қудуқларни бурғилаш, қатламларни синаш, қудуқларни ўзлаштириш чоғида қатламнинг аномал босими таъсирида юзага келадиган нефть ва газ отқиндилари ва фаввораларининг олдини олишга мўлжалланган. О.қ.а.-у.га қудуқлар оғзини зич ёпадиган превенторлар; қудуққа таъсир этиш мақсадида превенторларни ўраб қўйишга мўлжалланган манифольдлар; превентор ва манифольд жўмракларини узоқдан туриб бошқарадиган системалар киради. Нефть ва газ қудуқларини бурғилашда плашкали, универсал ва айланувчи превенторлардан фойдаланилади. Қудуққа туширилган МҚБ оғзининг ташқи қисмидан жуфт қувурли ва ҳамма ёғи берк қувур плашкалар билан жиҳозланган 2 плашкали превентор ўрнатилади. Нефть ёки газни фаввора бўлиб, (отилиб) чиқиш хавфи пайдо бўлса превентор гидроцилиндрига босим остида ҳайдалаётган суюқлик ёхуд штурвал кўмагида плашкалар қарши йўналишда ҳаракатланади ва қудуқ оғзини ёпади, нефть-газ чиқишини тўхтатади. Қувур плашкалар билан жиҳозланган превентор МҚБ ва БҚБ оралиғидаги ҳалқасимон бўшлиқни ёпишда ишлатилади. Ҳамма ёғи берк қувур плашкалар билан жиҳозланган иккинчи превентордан қудуқда бурғилаш қувурлари бўлмаганда фойдаланилади. Универсал превентор плашкали превенторлар устига ўрнатилади. Универсал превенторнинг резинка-металли манжети конус шаклидаги плунжер ёрдамида ҳайдалаётган суюқлик босими таъсирида қисилади, натижада қудуқда БҚБ бўлган ва бўлмаган ҳолларда ҳам қудуқ танасини беркитади. Универсал превентор плашкалигидан фарқли ўлароқ, қудуқда ускуналарни пастга ёки юқорига ҳаракатланишига имкон беради. Бу жараён қудуқ оғзининг зич ёпиб туришига ҳалақит бермайди. Айланувчи превентор универсал превентор устига ўрнатилади. Ундан БҚБни айланишида ва пастга-юқорига ҳаракатланишида фойдаланилади. Превентор подшипнигида айланувчи, ўз-ўзидан зичланувчи резинка-металли манжет қудуқ танасининг пастки қисмига ўрнатилади. Қатлам босими аномал юқори бўлган ҳолларда қудуқни бурғилаш жараёни технологик ва техник жиҳатдан мураккаб бўлади, шу сабабли айланувчи превенторлар камдан-кам ҳолларда ишлатилади. Превенторлар қудуқ оғзидан маълум масофада, хавфсиз жойда жойлашган гидравлик узатмалар ҳамда асосий ва ёрдамчи пультлар ёрдамида бошқарилади. Қ. Манифольд противовыбросового оборудования."}}]}