ПРОМЫСЛОВАЯ ГАЗОСБОРНАЯ СЕТЬ

kondagi quduq mahsulotlarini guruhlarga ajratib, oʻlchab tayyorlash punktigacha quvurlar orqali uzatish tarmogʻi. Unga gazning kondagi yigʻuv sistemasi; quduqlarning joylashishi va ularning parametrlari; mahsuldor qatlamlarning soni va koʻrsatkichlari; foydalanishga qabul qilingan quduqlarning ishlash tartibi; gazni hisobga olish va birlamchi tozalash sxemasi va boshqalar kondagi relef va iqlimiy sharoitlarga koʻra tanlanadi. Gazni yigʻadigan sistemalarning quyidagi asosiy xillari maʼlum: chiziqli sistema — quduqlar kam qatorli (2—3) boʻlib joylashtirilganda ularning har birini tozalash, ishlashini hisobga olish va muvofiqlashtirish punktlari quduqlarga yaqin joylashganda qoʻllaniladi. Halqasimon, nursimon yoki chiziqli — kollektorli sistemalar — ishlayotgan quduqlar soni va qatori yegarli boʻlganda gazni dastlab tozalash, hisobga olish va muvofiqlashtirish punktlari quduqlarga yaqin joylashganda qoʻllaniladi (P.7-rasm) Odatda, halqasimon sistemada, halqadan bir necha ulagichlar chiqazilib, unga uzoqda joylashgan quduqlar ulanadi. Halqasimon sistema nursimon yoki chiziqli-kollektorli sistemalardan quyidagicha farqlanadi: gaz yigʻadigan halqaning biron uchastkasida falokat holati yuzaga kelganda berkitadigan zulfinlar yordamida gaz yigʻuv sistemasini uzluksiz ishlashini taʼminlash mumkin; umumiy bosim oʻzgarishida gaz yigʻuv halqasi diametri quduqlardan gaz uzagayotgan quvurlar diametrlari yigindisidan kichikdir., Kondagi gaz yigʻuvchi tarmoq