ПРОМЫСЛОВАЯ ГАЗОСБОРНАЯ СЕТЬ

кондаги қудуқ маҳсулотларини гуруҳларга ажратиб, ўлчаб тайёрлаш пунктигача қувурлар орқали узатиш тармоғи. Унга газнинг кондаги йиғув системаси; қудуқларнинг жойлашиши ва уларнинг параметрлари; маҳсулдор қатламларнинг сони ва кўрсаткичлари; фойдаланишга қабул қилинган қудуқларнинг ишлаш тартиби; газни ҳисобга олиш ва бирламчи тозалаш схемаси ва бошқалар кондаги релеф ва иқлимий шароитларга кўра танланади. Газни йиғадиган системаларнинг қуйидаги асосий хиллари маълум: чизиқли система — қудуқлар кам қаторли (2—3) бўлиб жойлаштирилганда уларнинг ҳар бирини тозалаш, ишлашини ҳисобга олиш ва мувофиқлаштириш пунктлари қудуқларга яқин жойлашганда қўлланилади. Ҳалқасимон, нурсимон ёки чизиқли — коллекторли системалар — ишлаётган қудуқлар сони ва қатори егарли бўлганда газни дастлаб тозалаш, ҳисобга олиш ва мувофиқлаштириш пунктлари қудуқларга яқин жойлашганда қўлланилади (П.7-расм) Одатда, ҳалқасимон системада, ҳалқадан бир неча улагичлар чиқазилиб, унга узоқда жойлашган қудуқлар уланади. Ҳалқасимон система нурсимон ёки чизиқли-коллекторли системалардан қуйидагича фарқланади: газ йиғадиган ҳалқанинг бирон участкасида фалокат ҳолати юзага келганда беркитадиган зулфинлар ёрдамида газ йиғув системасини узлуксиз ишлашини таъминлаш мумкин; умумий босим ўзгаришида газ йиғув ҳалқаси диаметри қудуқлардан газ узагаётган қувурлар диаметрлари йигиндисидан кичикдир., Кондаги газ йиғувчи тармоқ