proksi

Kompyuter tarmoqlarida mijozlarga boshqa tarmoq xizmatlariga bilvosita soʻrovlarni bajarishga imkon beruvchi xizmat. Mijoz avval proksi serveriga ulanadi va boshqa serverda joylashgan biron-bir resursga murojaat qiladi. Proksi server yoki koʻrsatilgan serverga ulanadi va undan resursni oladi, yoki resursni oʻz keshidan qaytarib beradi (agarda proksi oʻz keshiga ega boʻlsa). Baʼzi holatlarda mijoz soʻrovi yoki server javobi proksi server tomonidan muayyan maqsadlarda oʻzgartirilishi mumkin. Proksi serveri, shuningdek, mijoz kompyuterini baʼzi tarmoq hujumlaridan himoyalashga imkon beradi.inglizchaproxyruschaпрокси