ПРИЁМНЫЙ МОСТ СО СТЕЛЛАЖАМИ

бурғилаш ва мустаҳкамлаш қувурларини, узун ўлчамли дастгоҳ (турбобур, электрбур)ларни тахлаш, уларни иш майдончасидаги роторга узатиш, Бқбини узайтириш ҳамда бурғилаш дастгоҳларини алмаштириш ва бурғилаш тугагандан сўнг уларни четга олиб қўйиш учун хизмат қилади. Кўприк бир-бири билан туташтирилган бир неча сексияли металл рамадан иборат. Рамага релс пайвандланган бўлиб, унинг ёрдамида қувурлар қия нов томон силжитилади. Кўприк иш майдончаси билан нов ва нарвони бўлган қия рама орқали бирлаштирилади. Рама қувурларни нов бўйлаб ротор томон суришни осонлаштириш мақсадида бироз қия ҳолатда ўрнатилади. Кўприкнинг ўнг ва чап томонларига сўри ўрнатилади. У енгил металл конструксияли бўлиб, кўндаланг балкалардан таркиб топади ва грунтга тиралиб туради. Сўри билан кўприк текислиги бир хил сатҳга эга бўлади., Сўрили қабул қилувчи кўприк