ПРИХВАТ БУРОВОГО ИНСТРУМЕНТА

burgʻilash, quduqni yuvish chogʻida, tushirish-koʻtarish ishlarida burgʻilash, mustahkamlash, nasos-kompressor va boshqa quvurlarni quduq tanasida qisilib qolishi. Qisilishlar kelib chiqish sharoitiga koʻra quyidagi ketma-ketlikda yuzaga keladi: suyuqlik aylanishi toʻxtamaganda boʻladigan qisilish; aylanish toʻxtashi bilan boʻladigan qisilish; burgʻilash qurilmasining ayrim qismlarida yuzaga keladigan talofatlar, uskunalarning sinishi, tushib ketishi va sh.k. orqali boʻladigan qisilishlar. B.u.q.ga sabablar: salnik hosil boʻlishi; quduq tanasining torayishi; maydalangan jins zarralarining va ogʻirlashtiruvchi qoʻshimchalarning choʻkishi; quduq devorida toʻkilma, agʻdarilma, novlarni hosil boʻlishi va rivojlanishi, burgʻilash uskunasining yopishib qolishi, doloto, turbobur va b. yorilib ketishi va sh.k. B.u.q.da geologik, texnologik, tashkiliy-texnik omillar asosiy sabab boʻlishi mumkin. Geologik omillarga tektonik buzilishlar, qazilayotgan jinslar litologiyasi, qatlam suvlari tarkibi, minerallanish darajasi, togʻ jinslaridan boʻladigan bosim, yuqori temperatura va bosim kiradi. Texnologik omillarga: quduqni qazishda ishlatilayotgan burgʻilash eritmasining sifati; quduqni yuvish rejimi, quduq konstruksiyasi, quduq tanasining qiyshayish darajasi, burgʻilash usuli, jins maydalovchi uskunaning shakli va b. ni koʻrsatish mumkin. Tashkiliy-texnik omillarga: burgʻilash brigadasining malakasi, gilli eritma, kimyoviy reagent va tutuvchi uskunalar zaxirasi bilan taʼminlan-, Burgʻilash uskunasini qisilib qolishi