ПРИРОДНЫЕ РЕЗЕРВУАРЫ

(omborlar) — suyuqlikni kuchsiz oʻtkazuvchan jinslar ichida joylashgan jins-kollektorlarning oʻzida neft, gaz va suv saqlashi. Kollektorlardagi gʻovak, kovak va darzliklar flyuidlarni saqlash va uyumlarni ishlash chogʻida ularni chiqarish qobiliyatiga ega. Shu sababli, maʼlum bir shaklga ega boʻlgan kollektorlarni I.O.Brod (1964) tabiiy saqlagichlar deb nomlashni taklif etdi. Uning fikricha, T.s. neft, gaz va suv saqlanadigan tabiiy ombor boʻlib, uning ichida ular harakatlanishi mumkin. T.s. kollektordan farqli oʻlaroq, quyidagi xususiyatlarga ega: neft, gaz va suv uchun tabiiy sigʻim boʻlib uning mavjudligi kollektorni yomon oʻtkazuvchan jinslar bilan munosabati orqali belgilanadi, kollektor turi, sigʻimi, gidrodinamik sharoitlari, qatlam energiyasi, joylashish sharoiti va shakli bilan ajralib turadi. I.O.Brod (1951) va N.A.Yeremenko (1968) kollektor va uni cheklovchi yomon oʻtkazuvchan jinslar munosabatiga koʻra T.s. ni uch: qatlam, massiv, har tomondan litologik cheklangan turlarga boʻldilar (P.5-jadval)., Tabiiy saqlagichlar