ПРИРОДНЫЕ РЕЗЕРВУАРЫ

(омборлар) — суюқликни кучсиз ўтказувчан жинслар ичида жойлашган жинс-коллекторларнинг ўзида нефт, газ ва сув сақлаши. Коллекторлардаги ғовак, ковак ва дарзликлар флюидларни сақлаш ва уюмларни ишлаш чоғида уларни чиқариш қобилиятига эга. Шу сабабли, маълум бир шаклга эга бўлган коллекторларни И.О.Брод (1964) табиий сақлагичлар деб номлашни таклиф этди. Унинг фикрича, Т.с. нефт, газ ва сув сақланадиган табиий омбор бўлиб, унинг ичида улар ҳаракатланиши мумкин. Т.с. коллектордан фарқли ўлароқ, қуйидаги хусусиятларга эга: нефт, газ ва сув учун табиий сиғим бўлиб унинг мавжудлиги коллекторни ёмон ўтказувчан жинслар билан муносабати орқали белгиланади, коллектор тури, сиғими, гидродинамик шароитлари, қатлам энергияси, жойлашиш шароити ва шакли билан ажралиб туради. И.О.Брод (1951) ва Н.А.Еременко (1968) коллектор ва уни чекловчи ёмон ўтказувчан жинслар муносабатига кўра Т.с. ни уч: қатлам, массив, ҳар томондан литологик чекланган турларга бўлдилар (П.5-жадвал)., Табиий сақлагичлар