ПОВЕРХНОСТЬ МОХОРОВИЧИЧА

Ер пўсти ва мантияси оралиғидаги чегара. Бу чегарада сейсмик кўндаланг тўлқинлар тезлиги кескин: 7,5—7,7 дан 7,9—8,2 км/с гача ўзгаради. Бу чегара Хорватия геофизиги номи билан аталиб, Мохоровичич юзаси (ёки Мохо, ёки М юзаси) дейилади. Океанларда бу чегара габброидлар, дунитлардан таркиб топган 3 қат мажмуасига тўғри келади. Одатда, Мохо чегараси океанларда кучли тектоник жараёнлар содир бўлганлигидан дарак беради, пўстнинг мантияга нисбатан узоқ масофага силжиши, ҳатто унинг узилиши кузатилади. Океан мантиясининг юқори қисмини қуруқликдаги офиолит мажмуаларнинг қуйи қисмида учраши кузатилади. Улар қалинлиги Оманда 8 км, Папуа-Янги Гвинеяда 12 км га етади. Континентларда пўстнинг мантияга ўтиши жуда мураккаб характерга эга бўлганлигидан М.ю.ни аниқлаш анча қийин кечади. Шу билан бирга, айрим жойларда (мас., Украина қалқонида) бир неча М.ю. мавжудлиги ($M_1$, $M_2$, $M_3$) аниқланган. В.Б.Соллогуб ва А.В.Чекуновларнинг фикрича, М.ю.нинг бир сатҳдан иккинчи сатҳга сакраш йўли билан ўтиши фазовий ўзгаришлар натижасида юзага келади. Moxorovichich yuzasi