portret

ot 1. Real hayotda mavjud boʻlgan bir yoki bir necha kishining yoki rassom tasavvuridagi qiyofaning tasviri yoki fotograf tomonidan ishlangan surati.

Dekan chiqib ketganidan keyin Gavhar nam oʻtib ketgan gazetani varaqladi. Ikkinchi sahifaning chap tomonida Gavharning katta portreti bosilgandi. — Oʻ. Hoshimov, Qalbingga quloq sol

Chap devordagi gilam ustiga qoqilgan Shamsi Toʻrayevichning portretiga tikilib qoldi Bashirjon. — N. Aminov, Qahqaha

Rassom ijodida portret janri asosiy oʻrin egallaydi. — Gazetadan

2. koʻchma Adabiy asarda personajlar qiyofasining tavsifi, tasviri.

L. Tolstoy portret ustasi edi.

Dramatik dostonlarda ham portret, peyzaj boʻladi. — UTA

n portrait, picture

Porträt [-‘ tre:t] n, Charakterbild n