пора

pora

1 та луғатда: Изоҳли яна 8 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

пора И

от 1. Парчаланган нарсанинг бир қисми; бўлак, парча.

Пора бўлмоқ. Пора қилмоқ.

Қудрат, тахта пораси устида ҳушсиз қолган Фарҳоддай, ўз ихтиёрини унга бериб ожиз қолди. — З. Фатхуллин, Сўнмас юлдуз

Бургут уни чангалга олиб, Мушук жағин қилибди пора. — Я, Қурбон

Ўсма қўйдинг-му қошингга, Бунчалар ҳам қорадур, Билмадим, бу қошларингдан Қанча диллар порадир. — Э. Воҳидов, Ёшлик девони

Сенинг юрагингда лахта-лахта қон, Сийнанг нималардан бўлмаган пора. — А. Орипов, Йиллар армони

2. эск. кт. Тўда, тўп, гуруҳ.

Мен бир пора йигитларни олиб, ёвнинг орқасига ўта билдим. — Ойбек, Навоий

3. эск. кт. Асарнинг тугал қисмларидан бири; қисм, бўлим; боб.

Ўттиз пора қуръонни ёд олмоқ.

пора ИИ

от Бирор ишни ноқонуний тарзда битириб бергани учун мансабдор шахсга бериладиган ёки берилган нарса ёки пул.

Пора олмоқ. Пора бермоқ. Пора емоқ.

Аъзамжон ака ҳозир пора билан иш битказиш мумкинмаслиги, пора берган ҳам, пора олган ҳам қия бўлиб кетишини айтиб қолди. — С. Аҳмад, Сайланма

Тавба, порога келган пулни тарозида тортиб оладиган одам қандай қилиб прокурор бўлиб қолди экан? — Х. Тўхтабоев, Ширин қовунлар мамлакати