ПОДЗЕМНОЕ ХРАНИЛИЩЕ ГАЗА

газ таъминотидаги номунтазамликларнинг таъсирини йўқотиш ёки пасайтириш мақсадида қуриладиган ер ости омбори. Г.е.о.с.о., одатда, сувли қатламларда, ишлатилиб бўлган нефть ёки газ қатламларида ёки ер остида сунъий равишда ҳосил қилинган бўшлиқларда ташкил қилиниши мумкин. Г.е.о.с.о. номунтазамликни йўқотишдан ташқари бошқа амалий вазифалар ҳам бажаради. Улардан асосийлари қуйидагилар: 1. Иситиш мавсумидаги газ эҳтиёжининг номунтазамлигини бартараф қилиш (соатлик, кунлик,ойлик). 2. Магистрал газ қувурларини ва компрессор станцияларини қуришдаги капитал маблағларни камайтириш. 3. Газ жўнатувчи манбалари учун магистрал газ қувурига йил давомида бир маромда газ жўнатиш имкониятини яратиш. 4. Йирик саноат ҳудудлари атрофида етарли даражада газ захираларини тўплаш (кимё заводлари учун ёқилғи ва хомашё). 5. Янги нефть қазиб чиқариш ҳудудларидаги йўлдош газ ва конденсатни ишлатиб бўлмаган ҳолларда узоқ муддат сақлаб туриш. 6. Агар Г.е.о.с.о. ишлатилиб бўлинган ёки ишлашнинг охирги босқичида бўлган нефть қатламларида ташкил қилинган бўлса, нефть бера олишлик коэффициентини ошириш. 7. Узоқ масофаларга газ узатиш тизимини бир хил маромда ишлашини таъминлаш. Г.е.о.с.о.ни ишлатиш фаолиятида асосий икки кўрсаткич катта аҳамиятга эга — буфер ва фаол газ ҳажми. Gazni yer ostida saqlash ombori