ПОДСЧЁТНЫЙ ПЛАН

захира ҳисоблашда асосий чизма ҳужжатлардан ҳисобланади. Ҳ.р. маҳсулдор қатлам — коллектор шипи (юқори қисми)нинг структура харитаси асосида тузилади. Унда: нефть-газлиликнинг ташқи ва ички чегаралари; захиралар тоифаси; қазилган бурғ қудуқлари; разведка қудуқларини синаш маълумотлари (қатлам шипи ва тагининг чуқурлиги ва баландлик белгиси, тешиш оралиқлари, нефть, газ ва сувларнинг дастлабки ва жорий сарфлари, депрессия қиймати, қудуқларни ишлатиш муддати, олинган маҳсулот ҳажми, (чиқаётган сув ҳажми, фоизда); ҳисоблашда инобатга олинган ғоваклилик ва ўтказувчанликнинг аниқланган сони; суюқлик чиқарувчи қудуқлардаги қатламларни биргаликда синаш натижалари (ишлатиш бошланган вақти, дастлабки ва жорий сарфлар, қатлам босими, нефть, газ, сув олиш ҳажми, сувланишнинг бошланиш вақти ва ҳажми); ҳисоблаш параметрларининг қабул қилинган қийматлари кўрсатилган жадваллар; ҳисобланган захиралар, уларнинг тоифалари (ДЗК аввал қабул қилган захиралар қайта ҳисобланганда) ифодаланади. Маҳсулот олувчи қудуқлар бўйича ҳам қуйидаги маълумотлар келтирилади: ишга туширилган вақти (сана), бошланғич ва жорий сарфлари, қатлам босими, сувланишнинг бошланиш санаси ва б. қудуқлар сони кўп бўлганда қайд этилган маълумотлар Ҳ.р. жадвалига ёки унга илова қилинадиган варақага жойлаштирилади. Захира қайта ҳисобланганда Ҳ.р.да ДЗК томонидан аввал тасдиқланган захира тоифалари ва миқдори ҳамда ундан кейин қазилган қудуқлар сони кўрсатилиши зарур. Ҳисоблаш режаси