pochcha

ot 1. Opaning eri.

Iya, pochcha, qilma qilib yuribsiz? — S. Ahmad, Ufq

Kichik pochcham oʻylanib, menga yuzlandi. — S. Siyoyev, Yorugʻlik

Sal shirakayf boʻlib oʻtirgan Sodiqjon allaqanday sirli ish borligini, pochchasi undan yashirayotganini sezib qoldi. — R. Fayziy, Choʻlga bahor keldi

2. esk. Ismlarga qoʻshilib, hurmat maʼnosini bildiradi.

Faqirdek bir sodda mulloning oʻrus zabonida soʻzlasha bilganimga taajjublandi shekilli, boshdan-oyoq Mahzum pochchangizni kuzatib chiqdi. — A. Qodiriy, Kichik asarlar

Bazzoz pochchaning bekorchi ogʻizga tobi yoʻq edi. — M. Ismoiliy, Fargʻona tong otguncha

Ozgina tahammul qilsin-chi, bek pochcha. — A. Qodiriy, Mehrobdan chayon

3. shv. Oʻzidan kattalarga murojaat shakli.