питирламоқ

фл. 1. Жон талвасасида ўзини ҳар ёнга урмоқ, сапчимоқ, питир-питир қилмоқ; типирчиламоқ.

Сўйилган товуқни кўрганмисан? Питирлайди, кўтарилиб-кўтарилиб тушади. — А. Қаҳҳор, Сароб

2. кўчма Тез, шошилинч ёки безовта ҳаракат қилмоқ, шошилиб, ҳовриқиб қолмоқ.

Оёғи куйган товуқдай питирламоқ.

Уй-да Анзират кампир билан Ҳожия ўтирарди. Улар аҳволни кўриб питирлаб қолишди. — А. Мухтор, Опа-сингиллар