пайшанбалик

от 1. тар. Эски мактабларда пайшанба куни болалар домуллага келтирадиган пул, нон ва шу кабилар инъомлар.

Ҳозир эски мактабларимизда болалар ҳар пайшанба нон ё ноннинг пулини, яъни пайшанбалик олиб борадилар. Бундан бошқа бўйра пули, кўмир пули ҳам бор. — Ойбек, Танланган асарлар

2. Пайшанба кунлари масжидларга чиқариладиган хайр-у эҳсонлар.

Пайшанбалик деб, одамлар тўртта нон, бир ҳовуч ширинлик ва ош ёки сумалак солинган косани ярим қулоч сурпга ўраб, тугунни кўчага чиқаверишдаги супага ташлаб кетишади. — Ойбек, Танланган асарлар