пахмоқ

paxmoq

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

пахмоқ И

фл. 1. Тартибсиз ўсиб кетган, ўсиқ, ҳурпайган.

Пахмоқ соч.

Чўпон ота пахмоқ соқолларини силаб, бағрини офтобга тоблаб, тоғ бағрига ёнбошлади. — Ойдин, Ширинга мактуб

Пахмоқ соқол ўтирган ерида саломга алик олди. — Т. Малик, Шайтанат

2. Шох-шаббаси тартибсиз ўсиб тарвақайлаган сада шаклидаги.

Сидиқжон катта ёʻлдан анча четда, каттакон пахмоқ бир дарахт остида милтиллаб турган чироққа томон бурилди. — А. Қаҳҳор, Қўшчинор чироқлари

3. Юнги ёки соч-соқоли ўсиқ, бароқ.

Жунлари ўсиқ пахмоқ қўйлар бўйинларини чўзганча сув тўлатилган охурларга интилади. — С. Анорбоев, Ҳаракатда баракат

Тупроққа қоришиб ётган катта, пахмоқ кучук занжирини шалдиратиб, ўрнидан турди. — Ойбек, Танланган асарлар

пахмоқ ИИ

фл. Бир томони тукли, майин ва қалин ип газлама; бумазей.

Пахмоқ кўйлак.