patron

ot 1. harb. Gilzaga bir butun qilib joylangan (otilib chiqadigan) oʻq, porox zaryadi va piston (kapsul).

Miltiq patroni. Pistolet patroni. Oʻnta patron joylanadigan magazinli avtomat,

Qorovullar qoʻllaridagi miltiqlarni yana bir karra koʻzdan kechirib, ehtiyot patronlarni hozirladilar. — S. Ayniy, Qullar

Natija yomon boʻlmadi: bular yordamida uchta pulemyot, oʻttizdan ortiq patron oʻlja olindi. — N. Safarov, Olovli izlar

2. tex. Tokarlik yoki parmalash stanoklarida stanokning aylanuvchi qismiga oʻrnatiladigan, ishlov beriladigan detalni yoki kesuvchi asbobni siqib tutib turadigan moslama.

Parmani patronga oʻrnashtirmoq.

3. Elektr lampochkasi burab kiritiladigan va uni elektr tarmogʻiga ulaydigan moslama.

Kuygan patronni almashtirmoq.