patnis

ot 1. Idish-tovoq yoki boshqa biror narsani tashish yoxud non, qand-qurs, meva-cheva kabilarni solib, dasturxonga qoʻyish uchun moʻljallangan, keng, yassi, chetlari sal qayrilgan metall yoki plastmassa buyum.

Guldor patnis.

Xilma-xil, rang-barang qimmatbaho meva-chevalar bilan lim toʻla boʻlgan patnislar ketma-ket yetkazilib turiladi. — Oybek, Tanlangan asarlar

Gʻulomjon kulib turib, oldidagi boʻsh qovun kosalarini patnisga soldi. — M. Ismoiliy, Fargʻona tong otguncha.

2. Mehmonlarning oldiga qoʻyish uchun tuzalgan shunday idish.

Uning [Mirzakarimboyning] kampiri patnis va bir choynak choy olib chiqdi. — Oybek, Tanlangan asarlar

Xoldorxon dasturxonga patnis qoʻyar ekan, engashib turib gapirdi. — S. Zunnunova, Olov

3. Duxovkada pishiriladigan narsa terib qoʻyiladigan yassi tunuka.

Somsalarni patnisga terib, duxovkaga qoʻymoq.

Somsalarni qizitilgan tandirning jagʻiga yopib yoki patnisi yogʻlangan duxovkaga qoʻyib pishirasiz. — K. Mahmudov, Oʻzbek tansiq taomlari