патир

patir

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

патир И

от Кўпинча ёғ аралаштирилган, оширилмаган хамирдан чекичлаб тайёрланадиган юпқароқ нон. Шўрвага патир тўғрамоқ.

[Жондор] Хамири нуқул қаймоққа қорилиб, оғизда эриб кетувчи оппоқ патир нонларни ушатиб ташлади. — Ойбек, Танланган асарлар

У [Паҳлавон] ёш шоирнинг ғамини еб, патир нон, қатлама, шарбат олиб келган эди. — М. Осим, Карвон ёʻлларида

Патир ушатиш Хадича келин Шакархоннинг сочини ўриб туриб: — Ҳа, нима гап, яна патир ушатиш бўляптими? — деди. — Ойдин, Ўзи монанд
Хамир(нинг) учидан патир Катта нарсанинг, ишнинг бошла(н)маси, дастлабки кичик бир қисми, улуши. Бу ўтириш хамир учидан патир, катта зиёфат кейин бўлади.Бу хамирнинг учидан патир, уз қўлим билан эккан ҳандалакнинг тўнғич ҳосили. — Ш. Рашидов, Бўрондан кучли

патир ИИ

от Кескин қанот қоқиш, тез айланиш ва шу кабилар ҳаракат ва улардан чиқадиган товуш.

Каптар патир этиб қўлдан чиқди.